O‘zbekiston jamoatchiligi Prezident B.Obama saylangach, AQSH ma'muriyati faoliyatida ilgari surilayotgan yangi tashabbuslarni tabiiyki diqqat bilan kuzatib va qayd etib bormoqda.

B.Obamaning Kohira universitetida so‘zlagan nutqi ham bu borada mustasno bo‘lmadi.

Prezident B.Obama nutqi - bu avvalo AQSH ma'muriyati tashqi siyosiy yonadshuvida realizm va pragmatizm ustuvorligining tasdig‘i. Bu ishonchsizlikka yo‘g‘irilgan ahloqsizlik doirasi va musulmon olami bilan ziddiyatlarga chek qo‘yish, qayerda yuzaga kelayotganidan qat'iy nazar Islom dini to‘g‘risidagi salbiy tushunchalarga barham berish, AQSH bilan musulmon olami munosabatlarining yangi davrini boshlash sari bir da'vatdir.

Bu - tinchlik, adolatparvarlik va taraqqiyot yo‘lida AQSH bilan dunyo musulmonlari o‘rtasida hamkorlikning yangi yo‘llarini izlash borasidagi intilish hamdir.

B.Obama ma'muriyati tashqi siyosiy yo‘nalishining «demokratiyani tarqatish» deya atalmish masalaga yondashuvda pragmatizmga asoslangani e'tiborga molik.

Mazkur muammo bo‘yicha e'lon qilingan yangi yondashuvlarning mohiyati shundaki, «tarix va madaniyat jihatidan tamoman farq kasb etuvchi» boshqa mamlakatlarga o‘z qadriyatlarini har qanday usulda singdirish samarasizdir. Binobarin, uning o‘zi demokratiya, qonun ustuvorligi, so‘z va e'tiqod erkinligini barcha uchun birday ahamiyatli bo‘lgan umuminsoniy qadriyatlar sifatida himoya qilishni davom ettirib, o´rnak olsa arzigulik namuna ko´rsatmoghi muhimdir.

Bugungi kundagi o‘ta dolzarb muammolarni hal etish borasida bunday hushyor va haqqoniy yondashuvlar xalqaro jamoatchilik tomonidan ijobiy qabul qilinishi shubhasizdir.

Bosmadan chiqarish ko`rinishi | Do`stingga yubor | 809 marta o`qilgan