Ozarboyjon poytaxti Boku shahrida erkin kurash bo‘yicha kadetlar o‘rtasida o‘tkazilgan xalqaro turnirda o‘zbekistonlik kurashchilar bittadan oltin va bronza medalga sazovor bo‘ldi.

Xalqaro sport kurashlari federatsiyasi – FILA musobaqalari taqvimiga kiritilgan nufuzli xalqaro turnirda mezbonlardan tashqari O‘zbekiston, Rossiya, Germaniya, Turkiya, Gruziya, Latviya, Litva, Qozog‘iston va Tojikistondan 150 nafarga yaqin iste’dodli yosh polvon gilamga chiqdi.

58 kilogramm vazn toifasida mamlakatimiz sharafini himoya qilgan Zokir Mansurov barcha raqiblarini mag‘lub etib, oltin medalni qo‘lga kiritdi. Vazni 46 kilogrammgacha bo‘lgan polvonlar bahsida kurashgan Abbos Rahmonov esa bronza medal bilan taqdirlandi.

O‘zA

Bosmadan chiqarish ko`rinishi | Do`stingga yubor | 184 marta o`qilgan